Xeylêk welatanê Ewropa de bi aktîvîteyanê cîya cîyayan Newroza ke mîjdanê wisar û xoverdayîşî ya, ameye pîrozkerdene. Aktîvîteyan de tecrîdê Îmraliyî, hêrişê dewleta tirke yê vera kurdan û bêvengîya dezgehanê eleqedaran ê Ewropa ameyî şermezakerdene.
Qiseykerdişan bale ameye antene xoverdayîşê gerîlayan ser û semedê wedaritişê qedexeyê vera PKKyî ame vengdayene. Reyna bêxemîya îqtîdarê AKP-MHPyî yê wextê erdlerzî ardîye vîrî û ame vatene ke bi yewbîyayîş û xurtkerdişê têkoşînî şarî eşkenê vîjnayîş de nê îqîtdarê faşîstî ra bêrê xelisnayene.
