Li Meclîsa Eyaleta Qûebec a Kanadayê pêşnûmeyek hate qebûlkirin. Di pêşnûmeyê de êrîşên dagirkeriyê yên Tirkiyeyê hatin notkirin û hate destnîşankirin ku ew piştgiriya gelê kurd dikin.
Li Meclîsa Eyaletê ya Qûebecê ya Kanadayê pêşnûmeyek hate qebûlkirin û hate xwestin ku li dijî êrîşên dagirkeriyê yên Tirkiyeyê helwestê nîşan bidin. Di pêşnûmeyê de bi navê parlamenterên Qûebecî bang li Wezareta Karên Derve hate kirin ku êrîşên dagirkeriyê not bike û mijarê ji nêz ve bişopîne.
Di pêşnûmeyê de ji Meclîsa Eyaletê ya Qûebecê hate xwestin ku piştgiriya gelê kurd bike û bang li civaka navneteweyî jî hate kirin. Di pêşnûmeyê de tê xwestin ku li Tirkiyeyê bikevin nava hewldanan ku şer bê astengkirin, hurmet ji mafên mirovan re bê nîşandan û ji bo çareseriyeke aştiyane diyalog bê pêkanîn.
Pêşnûme li Meclîsa Neteweyî ya Eyaletê ya Qûebecê yekser hate qebûlkirin. MONTREAL
