Teknolojîyî xeylê meslegê ke bi destan ameyêne îdarekerdene qedêna û herinda ci de demê makîneyan da destpêkerdene. Nê meslegan ra yewe zî tembûrviraştoxî ya. Tembûrê ke viraştişê înan bi rojan dewam kerdêne, nika bi makîneyan çend saetan de virazîyenî
Westayê tembûran Erkan Akdemîro 30 serrî ke nê karî keno, dîyar keno ke no mesleg de o neslo peyên o. Akdemîr 11 serrîya xo de dest bi nê karî kerdo û dima ra atolyeyaxo akerda. Nika ê her di hem tembûr û gîtaran virazenî û roşenî û hem zî derse muzîkî danî.
Akdemîr vano ‘Zerrîya mi de hertim tembûr esta, çimkî ez bi tembûrî bîya pîl’ û wina domneno: “Tembûr her dare ra nêvirazîyena, bitaybetî dara ke meywe dana ra nîna viraştene. Viraştişê tembûre de tembûrê tewr bikalîteyî merxêr û maûnêran ra yenî viraştene. Labelê nê darî Tirkîya de zaf tay î, cok ra tûyêrî yenî bikarardene.”
Herkes karê ser masa wazeno
Akdemîr dewamê qiseykerdişê xo de wina vano: “Viraştişê tembûrî hende rehet nîyo. Ez aşmêk de ancax 10-15 tembûran virazena. Goreyê mi qezençkerdişê pereyî ra vîşêr, başewnîyayîşê tembûran muhîm o. Bi makîneyan hîna rew tembûrî yenî viraştene. Cok ra her ke şono eleqe ê destan rê kêmî beno. Êdî sey verênî şagirtî nînî dîyayene. Herkes karê ser maseyî wazeno. Ez xo sey neslo peyên vînena. Çimkî westayê bînî emrê înan pîl o, emrê mi şenik o.” STENBOL
