Merkezê Yewîya Komeleyanê Êzidîyan (NAV-YÊK), Sîwana Meclîsanê Cinîyan ê Êzidîyan (SMJÊ), Meclîsê Şingalî yê Teberê Welatî (MŞD), Yewîya Êzidîyan a Sûrîye (YÊS), Yewîya Ciwanan ê Êzidîyan (HCÊ), Merkezê Kulturê Êzidîyan (NÇÊ), Koordînasyonê Meclîsanê Dewanê Êzidîyan ê Vakurê Kurdîstanî (KMGÊBK) eşkerayîyêka hempare daye û pare kerd ke vera peymana Hewlêr û Bexdadî ya Şingalî ser o verê bînaya Parlamentoya Federale de paytextê Almanya Berlinî de çalakîyêka şermezarkerdişî do bêra kerdene.
Dezgehan eşkerayîya xo de îfade kerd ke PDK û Hukmatê Iraqî reyna êzidîyan rê bêbextîye kerde û bi na peymane zemînê qirkerdişêkê neweyî amade kerd.
Dezgehan ard ziwan ke ê do qet na peymane qebul nêkerê û bi pêro hêzê xo vera peymane xo ver bidê. Dezgehan venga pêro êzidîyan da ke tewrê çalakîye bibê.
Zanayîşê derheqê çalakîye de wina yê:
Tarîx: 15ê teşrîna verêne
Ca: Berlin, verê Parlamentoya Ewropa
Saete: 10.00-15.00
