Parlementerê AKPyî yê Rihaye ra Ahmet Eşref Fakibaba da zanayene ke endamtîya partî û parlementerîya xo ra îstîfa kerdo. Fakibaba derheqê îstîfaya xo de serê hesabê xo yê medyaya komelkî ra mesajêk weşana û vat: “Serra 2003îde ez bîya endamê AKPyî û mi îmkan dî ke xeylê meqaman de wezîfe bigêra. Zerrî û can ra sipasîyanê xo pîlanê xo rê û şarê Rihaye rê kena ke no îmkanî mi rê viraştî. Mîyanê nê 20 serran de xeylê embazê bi yê bi qedr û qîmet virazîyayî. Ez hîssina ke înan ra dûrî kewena. La heto bîn de ez kêfweşa ke êdî do tay kesê ke goreyê zihnîyetê mi yê sîyasî û exlaqî nîyî reyde nêxebetîyena. Ez endamtîya AKPyî ra îstîfa kena û sewbîna seba ke ez vera kesê ke rayan dayî mi de bêhurmetî nêkera, parlementerîya xo ra zî îstîfa kena. Înşalla no qeraro ke mi dayo seba welatî bibo wesîleya xêran.” RIHA
