Çeteyên faşîst ên tirk êrîşî “Nobeta Azadiyê” kirin ku ji bo azadiya fîzîkî ya Rêberê Gelan Abdullah Ocalan û rakirina tecrîda Îmraliyê ji 25’ê hezîrana 2012’an ve li bajarê Strasboûrg ê Fransayê tê lidarxistin, kirin. Hate hînbûn ku êrîşkar dema çalakvan ne amade bûn tabelayên li cihê çalakiyê şikandine û piştre reviyane.
Kongreya Civaka Demokratîk a Kurdistaniyên li Ewropayê (KCDK-E) têkîldarî êrîşê wiha got: “Di 27’ê gulanê de ji aliyê komên faşîstên tirk ve êrîşê Nobeta Azadiyê hate kirin ku ji bo azadiya Rêber Apo û li dijî komploya navneteweyî girîng e. Helwesta êrîşkar û polîtîkayên krîmînalîzasyonê yên hikûmeta Fransayê ku li dijî Têkoşîna Azadiya Kurd didomîne, cesaretê da komên faşîst. Em bang li hikûmeta Fransayê dikin ku li dijî provakasyonan helwest bigire, her wiha bang li gelê xwe dikin ku bi girseyî xwedî li Nobeta Azadiyê derkevin ku 12 sal in didome û provakasyonan vala derxin.”
Bîngol: Êrîş nikare me ji daxwaza azadiyê dûr bixe
Ji Komîteya Amadekar a Çalakiya Nobeda Azadiyê Zulfû Bîngol, têkildarî êrîşa faşîst got, “Em dibêjin ku rêya çareseriya demokratîk û aştiyane ya pirsgirêka kurd di Îmraliyê de derbas dibe, Rêberê me îradeya me ye û bêyî misogerkirina azadiyê çareseriya demokratîk ne pêkan e. Ev êrîş nikare me ne ji Rêberê me û ne jî ji daxwaza me ya çareseriya demokratîk, aştiyane dûr bixîne. Em bang li gelê xwe yê welatparêz ên li Ewropayê û dostên gelê Kurd dikin ku hîn xurtir xwedî çalakiya me derkevin.”
