Federasyonê Elewîyê Demokratîke (FEDA) bi wesîleya serrgêra Qirkerdişê Madimakî ya 2ê Temmuze de eşkerayî daye û vat ke no qirkerdiş hema zî sey birînêk a
Federasyonê Elewîyê Demokratîke (FEDA) xeylî qirkerdişê dewleta tirkî vistî vîrî û va “Heta ke no fehm hesab nêdo na birîne do wijdanê elewîyan de bimano. Heta ke mesuldarî hesab nêdê do elewîyî bihuzûr nêbê. Qetîyen ganî hesabê nê qirkerdişî bêro persayene.
Seke qirkerdişê Mereşî înan waşt ke Sêwas zî bikerê erdêkê sentezê tirk/îslamî û tektîpbîyayîşî ser o ferz bikerê. Nika çeteyê DAIŞijî yê ke welatanê bînan ra ardê, wazenê înan ûca bica bikerê.
Naye ra Madimak hewna zî birînêka serê zerrîya ma ya. Înanê ke no sûcê merdimîye kerdo, hesab nêdanê şarê ma û benê wezîr yan zî parlementer.
Ganî mulkê ke ameyê destsernayene bêrê tenzîmkerdene û kiştoxî zî çarçewaya Huqûqê Heqanê Merdiman ê Mîyanneteweyîyî de bêrê muhakemekerdene. Eke wina nêbo 2ê Temmuze 1993î do tarîxê merdimîye de sey deqêko sîya bimano û do qirkerdişê bînî bêrê kerdene. Ê sey Gazî, Gezî, Sûrûc, Roboskî, Şengal û Mabeta.
Ma reyna qurbananê qirkerdişê Madimakî bi hurmet bi vîr anê.”
