Meclisa Leşkerî ya Dêrazorê yên derbasî navenda bajarê Dêrazorê bûn, dîmenek parve kir. Di dîmen de ji fermandarên Meclisa Leşkerî ya Dêrazorê Ebû Leys El Xeşam xîtabî gelê Dêrazorê dike û girîngiya ketina hêzên meclisê ya nava bajar dike. Di dîmen de fermandar Ebû Leys El Xeşam wiha dibêje: “Hêzên me ji bo parastina şêniyên me yên li Dêrazor û gundewarê wê ji çeteyên DAIŞ û çeteyên Tirkiye derbasî Dêrazorê bûn. Bila gelê me yê li Dêrazorê ji van guhertinan netirse.”
El Xeşam derheqê hikumeta Şamê de jî “Gef, cûdakarî û nijadiya ku rejîmê derxistibû, êdî rabûne. Em jî ji gelê vê herêmê ne. Em ewladên we ne, em ji bo parastina herêmê hatine. Em ji bo rakirina zilmê li ser we hatine.”
Ebû Leys El Xeşam bi van gotinan armancên HSDˈê vegot “Armancên Hêzên Sûriyeya Demokratîk aşkere ne. Li hemberî her êrîşekê wê erka me parastina herêmê be. Em ê li hemberî çi xetereyên li ser gelê me mertaleke xurt bin.”
Meclisa Leşkerî ya Dêrazorê îro ragihandibû ku piştî vekişîna hêzên hikumeta Şamê, bi armanca parastina gelê Dêrazorê, şervanên wan derbasî vî bajarî û rojavayê çemê Firatê bûne.
