Fermandarê HSD’ê Mazlum Ebdî bi peyamekê ragihand ku serçeteyê DAIŞ’ê Ebubekir El Bexdadî di encama xebata îstîtxbaratê ya 5 mehan de hatiye kuştin
Fermandarê Giştî yê Hêzên Sûriyeya Demokratik (HSD) Mazlum Ebdî têkildarî kuştina serçeteyê DAIŞ’ê Ebubekir El Bexdadî li ser hesabê xwe ya twîtterê peyamek parve kir.
Mazlum Ebdî anî ziman ku kuştina Bexdadî encama xebata îstîxbaratê ya 5 mehan e û wiha domand: “Heta ku me terorîst Ebubekir El Bexdadî bi operasyoneke hevpar ji holê rakirî, me bênavber ew şopand. Em spasiyên xwe pêşkeşî hemû kesên ku keda wan di vê xebata serkeftî de dikin.”
Têkildarî mijarê Ajansa Nûçeyan a Reuters’ê jî nûçeyek parve kir û da zanîn ku Bexdadî dema ku ji gundê Barishayê ku 5 km’yan nêzî sînorê Tirkiyeyê hewl dida derbasî Tirkiyeyê bibe, hatiye kuştin.
Di heman demê de Serokê Dewletên Yekbûyî yên Amerîkayê (DYA) Donald Trump jî kuştina serçete Bexdadî piştrast kir.
