‘Fermandaranê’ komê OSOyî yê ke do tewrê operasyonê Tirkîye yê ke do hemverê vakur û rojhelatê Sûrîye de bêro viraştene bibî, sînor ser de çarnayî û cigêrayîşan kerdî
Amedekarîyê operasyonê Tirkîye yê hemverê vakur û rojhelatê Sûrîye dewam kenî. Na çarçewe de koma ke nameyê ‘Artêşa Neteweyî ya Sûrîye’ piro ameyo kerdene ke Artêşa Azade ya Sûrîye (OSO) ke binê kontrolê Artêşa Tirkî ya Leşkerî (TSK) de pê yenî, vizêr saetanê şewe de derbazê qezaya Kanîya Xezalan ya Riha ke keweno hemverê Girê Spî ameyî kerdene. Ewro ‘fermandaranê’ nçê koman seba cigêrayîşî berdî nuqtayanê peynî yê serê sînorî. Rojnamegerê ke nê gaman qeyd kerdî hetê leşkeran ra ameyî dûrîvistene.
Badê pêvînayîşê saetêk komî reyna tepîya agêrayî Merkezê Wargehê Demkî yê Serê Kanî. RIHA
