Fermandarîya Qerargehê Merkezê Pawitişê Şarî (MPŞ) gerîlayê Fermandarîya Sewq û Îdareyî ya Herêmanê Pawitişî yê Medya ke vera artêşa îşxalkere çalakîyê serkewteyî kerdî bi mesajêkê fîraz kerdî.
Mesaj wina yo:
“Vera hêrişanê îşxalî yê dewleta tirke ya faşîst-qirkere yê serê Zap û Avaşînî hêzê ma yê gerîlayan Herêmanê Pawitişî yê Medya de bi ruhê fedayî yê Apogîrî her roje derbanê giranan danê dişmenî ro. Gerîlayê ma yê çêrî tunelanê şerî de bi taktîkanê afernayoxa derbanê giranan danê dişmenî ro û nêverdenê dişmen aver şoro. Tîmê ma yê hereketînî yê profesyonelî zî bi metodê pirodayîşî yê Apogîtî çalakîyanê serkewteyan kenê û artêşa faşîste şiknenê. Artêşa îşxalkere rixmê teknîk û çekanê kîmyewîyan zî vera hêzanê ma de bêçare menda. Performansô serkewte yê hêzanê ma yê Zap û Avaşînî nê herêman dişmenî rê kenê cehenemêkê pîlî.
Tewr peyên 11ê gulane de Girê Şehîd Şahînî yê Zapî de hêzanê ma yê gerîlayan ê profesyonelan helîkopterêkê Skorskyî yê artêşa îşxalkere da war ke na çalakîye netîcegîrîya metodê pirodayîşî ya Apogîran reyna eşkera kerda. Ma embazanê xo û fermandaranê xo fîraz kenê ke serê bingeyê Hemleya Şorişgêre ya Bazanê Zagrosî de vera dişmenî bi metodê fedayî şer kenê, derbe danê dişmenî ro, binkewtişê dişmenî nêzdî kenê û bi performansêkê pîlî na çalakî û xeylêk çalakîyanê serkewteyan kenê.
Ma pê bawer ê ke nika ra pey, bi taktîkanê gerîlayan ê zengînan û bingeyê ruhê hêrişî yê berzî yê şehîdan de, çalakîyanê vera artêşa faşîste de şima do serkewtişanê hîna pîlan bivisnê destî. Ma embazanê xo yê ke Zap û Avaşîn de bi fedakarî û çêrîyêka pîle şer kenê, bi heskerdiş û hûrmetî selam kenê, înan rê serkewtiş wazenê.” BEHDÎNAN
