Endamê Fermandarîya Yewinanê Pawitişî yê Rojhelatê Kurdistanî (YRK) seba erlerzî, mesajêkê serweşîye weşana.
Mesaj wina yo: “Nê rojanê peyênan de şarê kurd û ereb seba erdlerz û tesîrê zimistanî gelekî tengijîyayî. Sere de, ma seba keyeyanê ke erdlerzî de kesêkê xo vindî kerdo, serweşîye wazenê û birîndaran rê zî şîfa wazenê. Ma zanê ke şarê ma nê rojan de zaf zor û zehmetîye anceno. Ma dejê şarê zerrî ra hîs kenê û heta peynîye şarê xo reyde yê. Nê rojan de lazim o ke her parçeyê Kurdistanî de şarê ma yewbînan rê wayîr bivejîyo û nê dejê xo pîya bivîyarnê, birînananê xo bipêşê. Nê wextî de, her wextî ra zafêr hewce yo ke şarê kurd yewbînan rê wayîr bivejîyo. Nê demî de, şarê ma yê Rojhelatî çend bêmabên şer û bikero û her tim mîyanê têkoşînêkî de bibo zî, reyna gere çi destê ey ra bêro, bikero. Ma reyna qurbananê nê erdlerzî rê serweşîye wazenê.’’
