Festîvala Boreka Kurdan a 6. 17ê êlule de qezaya Beykozî ya Stenbolî de do bêra kerdene. Festîvale hetê Komeleya Kultur, Hetkarî û Averberdişî ya Gêxî, Dep, Azarpêrt, Xorxol û Çêrme (KAYY-DER) ra yena serûberkerdene.
Festîvala ke belaş a, tede skeçê kurdkî, kayê domanan, kayê tîyatroyî û konserî zî do est bê.
Festîvale de hunermendî Merwan Tan, Hasan Cansu û Şevîne Ulusoy do vejîyê sehne ser, skeçê bi nameyê Evîna Welat do bêro mojnayene û Koma Cinîyan a KAYY-DERî performansê govendan bikera.
