Serekê Daîreya Karanê Kultur û Cimatî ya Şaredarîya Amedî Yavuz Akkuzuyî ard ziwan ke înan vera polîtîkîya asîmîlasyonî aktîvetêka winayêne viraşta û va: “Amancê ma o yo ke vera asîmîlasyonî ma domanan wareyê kultur û ziwanî de bîyarê têhet.”
Şaredarîya Sûrî û 16 sazgehan seba domananê ke herême de pêkewtişan têsîr bi ci kerdo Festîvala Domanan a Sûrî viraşte.
Startê festîvale ame dayene. Çarçewaya festîvale de domanê ke serrê xo mabênê 4-17 de bedilîyenê beşdarê akerdişê festîvale bîyî û 13 kargehê xebatî ameyî viraştene. Kargehê xebatî yê ke Parka Bircanê Ben û Senî ya serê Cadeyê Turîstîkî yê Sûrî de virazîyayî domanan eleqeyêko baş mojna ci. Hemşaredarê Amedî Selçûk Mizrakli, Hemşaredarê Sûrî Fîlîz Buluttekîne û Cemal Ozdemîr, Parlamenterê Partîya Demokratîke ya Şaran (HDP) yê Amedî Salîha Aydenîze, Semra Guzele, Remzîye Tosune, Musa Farisogullari û xeylî kesî beşdarê festîvale bîyî. AMED
