Ewro 2. Festîvala Fîlmê Kurdî ya Stenbolî dest pê kena. Festîvala fîlman do heta 29ê adare dewam bikera û akerdişê festîvale Merkezê Kulturî yê Bajarî yê Şîşlî Cemîl Candaşî de virazîyeno. Festîvale do ewro saet 19.00î de bi fîlmê ‘Kurdê Êzidî’ ke serra 1933î de hetê Amasi Martirosyanî ra ameyo antene ra dest pê bikera. Badê fîlmî Koma Aryen do bi deyîranê xo biveja sahne û ci ra dima zî do kokteyl bêro dayene.
Festîvale hetê Kolektîfê Sînema yê Merkezê Kulturî yê Mezopotamya ra yena organîzekerdene û do Tirkîya de fîlmê sansurkerde û fîlmê qedexekerde yê kurdan bêrî temaşekerdene. STENBOL
