Festîvala Tîyatroyê Şaristanî ya Amedî ya 8. bi şîarê “Va Cûdî û va ye ev ax!” dest pêkerde. Sey Kutbeddin Sadiqî xeylêk kaykerdox, dîrektor û seyrkerê namdarî tewrê festîvale bîyî. Festîvale pê eşkerayîye destpêkerde. Kaykerdoxe Berfîne Emektar eşkerayîye wende.
Emektare vat: “Ma sehne de yê çunke huner cesaretê qalkerdişê hêrişanê vera xoza, cinîyan, sansur, nîjadperestî, îşkence, asîmîlasyonî yo. Bedelê ci se beno wa bibo ma sehne de yê. Heta ke Cûdî newe ra zîl bido ma sehne de yê. Ma seba Cûdî, Jîna Emînî, karkeranê madenî, qûrbananê çekanê kîmyewîyan, vera tecrîd û zulmê zîndanan, kultur, huner, ziwanê xo sehne de yê. Seke Arjen Arîyî vatbi ‘Cûdî tîya de yo, erdê ma tîya de yo.’”
Dima kayê ‘Hema Hema Jin Elîzabeth’ ame mojnayene.
Ewro zî bernameyê festîvale wina yo:
*Kumpanyamed – Tayo, Datdat ve Onceki Bazi Hayatlar (15.00)
*Ban Theather (Almanya-Hamburg) û Antract Theather (Belçîka) – Qesra Balindeyên Xemgîn (20.30). AMED
