Rêberê Gelan Abdullah Ocalan 26 sal in li Îmraliyê di bin tecrîda mutleq de tê ragirtin û zêdetirî 3 sal in agahî jê nayê girtin. Saziyên navneteweyî CPT û Konseya Ewroapyê çavên xwe ji vê bêhiqûqiyê re digirin û ev bê dengî cesaretê dide desthilata faşîst a AKP-MHP’ê. Gelên Kurdistanû û dostên wan bêdengiyê li ser piyan e. Parlamenterê DEM Partiyê Omer Ocalan û parêzer Ozgur Faîk Erol li Strasboûrgê bi rayedarên CPT’ê re hevdîtin pêk anîn û derheqê hevdîtinê de agahî parve kirin.
Omer Ocalan diyar kir ku wan têkildarî mijara tecrîd û kiryarên neqanûnî yên li ser Rêberê Gelan Abdullah Ocalan, agahî bi rayedarên CPT’ê re parve kirine û anî ziman ku rayedarên CPT’ê jî li ser vê yekê ji wan re gotine ku bêyî destûra welatên endam ew nikarin raporên seredanên xwe bi raya giştî re parve bikin.
Omer Ocalan anî ziman ku wan ji rayedarên CPT’ê re gotine ku rewşa Rêber Apo ji bo gelê kurd û pirsgirêka kurd gelekî girîng e û diyar kir ku wan ji CPT’ê daxwaz kiriye ku di vê mijarê de hesas bin û zextê li Tirkiyeyê bikin.
Ozgur Faîk Erol jî ku di hevdîtina li gel Serokê Giştî yê CPT’ê û rayedarên din de cih girt anî ziman ku dema ku şert û mercên li Îmraliyê hatin berçavkirin. Ozgur Faîk Erol destnîşan kir ku helwesta CPT’ê ya heyî di polîtîkayên tecrîdê de rê li ber Tirkiyeyê vedike û wiha naxivî: “Hewce ye fikarên gelê kurd ên ji bo Abdullah Ocalan ji holê rake, helwestê nîşan bide. Ji bo vê yekê jî çi ji destê me were, hewce ye em bikin.’’
