Fînlandiyayê ku sê hefte berê destûr dabû ku balefirên bêmirov bifiroşe dewleta tirk, piştî êrîşên dagirkeriyê yên dewleta tirk dê çekan nefiroşe Tirkiyeyê
Wezîrê Parastinê yê Fînlandiyayê Anttî Kaîkkonen li ser twîtterê got ; ‘Rewş giran e. Der barê qada di bin berpirsyariya min de ez dikarim bibêjim ku Fînlandiya dê alav û amûrên parastinê nefiroşe welatên şer lê hene û mafên mirovan lê tên binpêkirin.”
Li gorî wezareta parastinê heta niha tu lîsansa firotina çekan nedane Tirkiyeyê.
Hikûmetê jî daxuyaniyeke nivîskî weşand û diyar kir ku ew piştgiriyê didin daxuyaniya Yekitiya Ewropayê û wiha got; ‘Fînlandiya êrîşên dewleta tirk ên li dijî Sûriyeyê şermezar dike û dixwaze ev êrîş werin sekinandin.” HELSÎNKÎ
