Merkezê Xeberan]
Televîzyonê Rossiya 1 yê dewleta rûsî fotografê Serekkomarê AKPyî Tayyîp Erdoganî û heyeto ke ci reyde 5ê adare de seba hedîseyê mergê leşkeran yê Îdlibî şî Rûsya û verê berê Pûtînî de vindeteyî, vila kerd. Fotografo ke ser de kronometre (sayaç) esto ra dîyaro ke Erdogan û heyetê ci verê pêvînayîşo ke Serekê Dewleta Rûsya Vladîmîr Pûtînî reyde ame kerdene ra nizdîyê 2 deqeyan korîdor de yenî vindetene.
Fotograf de sewbîna asîyeno ke Erdogan pay ser de aciz bîyo û fekê berê cayê pêvînayîşî de sandalye ser de ronişeno. No fotografo ke hetê Rossiya 1 ra ame vilakerdene, medyaya komelkî de bî rojeve.
