Goreyê raporê hempar yê Enstîtuya Rîşa Merdimwere ya Neteweyî ya Fransa (INCa) û Ajansê Weşî ya Neteweyî her çiqas ke hûmara merdimê Fransa yê ke bi nêweşîya rîşa merdimwere kewtî zêdeba zî peymeyê mergî kêmî bîyo
Goreyê raporê hedîseyê nêweşîya rîşa merdimwere yê mabenê serranê 1990-2018î yê Fransa de ameyî kerdene, nufusê Fransa 66 mîlyon o û yew serrî de dormeyê 400 hezar nêweşîya rîşa merdimwere yena tespîtkerdene. Her çiqas ke hûmara merdimê ke bi nêweşîya rîşa merdimwere kewtî zêdeba zî peymeyê mergî kêmî bîyo.
Goreyê raporî her çiqas ke hûmara merdimê ke bi nêweşîya rîşa merdimwere kewtî zêdeba zî teşhîsê rewe vera nêweşîya rîşa merdimwere ra yena elisnayene. Serra 2018î de 58 hezar û 400 nêweşê newe yê rîşa merdimwere yê sîne ameyî tespîtkerdene. Serra 1990î ra nata peymeyê serrane yê mergê ke bi sebebê tewiranê cîya-cîyayan yê nêweşîya rîşa merdimwere vera bîyî zî 1,3 kêmî bîyo. Yeno vatene ke teşhîsê rewe vera hûmara merganê nêweşê rîşa merdimwere kêmî bîya.
Goreyê raporî mabenê serranê 1990-2018î de hûmara merdimanê nêweşê rîşa merdimwere kêmî bîya. Serrîyêk de mergê rîşa merdimwere yê qirikî yê camêrdan de se ra 6,3 û cinîyan zî 2,4 kêmî virazîya yo.
Peymeyê mergê cinîyan yê ke nêweşîya rîşa merdimwere yê tewirê tîroîtî vera bîyî de 3,4 û rîşa merdimwere yê rahîmî de 2,1 kêmî virazîya yo.
Goreyê raporî kêmkerdişê alkol û cixara kêmbîyayîşê mergan de bitesîr o.
