Wezîra Parastinê ya Fransayê Florence Parly diyar kir ku wan jî biryar dane ku çekan nefiroşin Tirkiyeyê
Bertekên navneteweyî ya li dijî êrîşa dagirkeriyê ya dewleta tirk û çeteyên wê ya li dijî rojavayê Kurdistanê berdewam in. Di vê çarçoveyê de gelek dewletan ragihand ku dê êdî çekan nefiroşin dewleta tirk.
Wezîra Parastinê ya Fransayê Florence Parly diyar kir ku wan jî biryar dane ku çekan nefiroşin Tirkiyeyê. Parly li ser twîtterê daxuyanî da û wiha got: “Em hêvîdar in ku operasyona Tirkiyeyê ya li dijî Bakur û Rojhilatê Sûriyeyê were sekinandin. Fransayê biryar da ku çek, amûr û alavên leşkerî nefiroşe Tirkiyeyê. Ev biryar bi lez kete meriyetê.”
Fînlandîya, Norweç, Hollanda û Almanyayê jî biryar dabûn ku wan firotina çekan a ji bo Tirkiyeyê dane sekinandin. PARÎS
