Vera xespkerdişê şaredarîyan û tayînkerdişê qeyûman de Kurdistan û Ewropa de çalakîyî dewam kenî. Dêrsim de çalakîya vera qeyûman yê Amed, Wan û Mêrdînî dewam kerde
Tayê temsîlkarê partîyanê sîyasîyan û Rêxistinanê Cimatê Sivîlî zî paştî daye ci çalakîya ke Raşteyê Seyîd Rizayî de ameye viraştene. Çalakîye de îzehet ame dayene û îzehet hetê vervatoxa Meclîsê Cinîyanê HDPyî yê Dêrsimî Nurşat Yeşîle ra ameye wendene.
Yeşîle qeyûmî sey derbeyêka sîyasîye name kerdî û wina va: “Şaredarîyanê kurdan de caakerdişê qayûmî eşkera tewirêko dişmenkî yê vera kurdan o. Reyna na polîtîkaya hêrişkare destkewteyanê cinîyan zî hedef gêna. Qeyûmî tewr verê hêrişê sîstemê hemserekîye kenê. Qeyûm îradeyê cinîyan û heme şarê ma xesp keno û no qetîyen nêno qebulkerdene. Ganî heme hêzê demokratî, partîyê muxalefetî, sendîkayî û dezgehê cimatê sivîlî vera nê îqtîdarî yo ke îradeyê şarî xesp keno, vengê xo berz bikerê.”
Eşkerayîye ra dima çalakîya roniştişî ameye viraştene. DÊRSIM
