Bi wesîleya serrgêra 45. ya PKKyî Endamê Komîteya Bawerîyan a PKKyî Cîhan Erenî ANFyî rê qisey kerd. Qiseykerdişê Erenî ra tay qismî wina yê:
”Ez roja ronîyayîşê PKKyî fîraz kena Felsefe û îdeolojîya Rayber Apoyî morê xo da 50 serranê peyênan ê têkoşînê azadî û têdûştîye. Şarê kurdî se serrî yo vera netewe-dewleta dînî, mezhebî û nijadprestan xo ver dano. Kurdî bi gamanê xurtan ver bi serkewtişêkê pîlî kewenê serra 45. ya partîye. PKK seba komelê Kurdistanî bi feraset û exlaqê azadîye. Mabênê kurdan û PKKyî de yewîya ruhî est a. PKKyî kurdî kerdî wayîrê têkoşîn.
Qirkerdişê vera kulturê kurdan hema dewam keno. Nê hêrişî ancax bi şerkerdişê ccepheyêkê hîranî qedîyenê. Ganî kurdî bizanê ke vera qirkerdişê kulturelî hişmendîya xo xurt bikerê. Ganî pêro kurdî tarîxê xo yê dînî biwanê û bimusê. Ganî vera faşîzmê tirk-îslamî kurdî bibê têkoşerê şerê şarî yê şorişgêrî.
Dewleta tirke seba kolonylîzm û qirkerdişî dîn û bawerîyan şuxilnenê. Mîsal vanê ke elewîyê kurdî eslê xo de tirk ê. Ewro tay kurdê misilmanî bîyê dişmenê şarê xo. Kurdî warê bawerîye de wayîrê erjanê kahanan ê. Kolonyalîstî na taybetmendîya kurdan vera kurdan şuxilnenê. AKPyo ke rejîmê tirk-Îslamî yo dînî vera kurdan sey hacetî şuxilneno.
Rayberîye bi taybetî 1994 ra dima dînî ser o analîzê xorinî kerdî. Ey qîmetêko pîl dayêne alim û aqilmendanê kurdan. Wextê hêrişanê DAIŞî de Kongreya Îslamê Demokratîke pêşnîyaz kerd. Şarê kurdî vera îstîsmara dînî hişyart kerd. Rayberîye 1970 de vatbi ‘Wexto ke mi Dêrsim dî îradeyê min o têkoşînê Kurdistanî hîna zelal û qetî bi.’ Ey Îmrali de zî êzidîyî pawitî, yarsanan rê selamê xo şawit.
Bawermend û dîndarê kurdî ganî seba heqanê xo dormeyê Îtîfaqê Kede û Azadîye de cabigêrê. Erdogan û AKPyî dîn û Quran ver akurdan şuxilnayî. Wextê hêrişanê DAIŞî, xoverdayîşê xoîdarekerdişî, îşxalê Efrînî seba seba qirkerdişê kurdan camîyan ra fetwayî dayî wendene. Vakurê Kurdistanî de înan her kuçe de qursêkê Quranî û medreseyêk awan kerd. HUDA-PARo ke hetê MÎTî ra yeno rêxistinkerdene, wazeno kurdan bişuxilno.
Vera elewîyanê kurdan tehlukeyê pîlî est ê. La heta ke faşîzmê dînî yê sentezê tirk-îslamî nêro çinkerdene meseleya elewîyan zî çareser nêbena û nasnameyê dînî yê elewîtîye nêro naskerdene zî meseleya kurdan zî çareser nêbena.
Ez venga pêro misilman, êzidî, yarsan, kakaî, elewîyanê Kurdistanî dana ke wa goreyê mesuldarîyanê xo yê neteweyî, wijdanî û exlaqîyan têbigêrê û bi terzê şerê şarî yê şorişgêrî têkoşîn bizêdînê, wayîrê nasname û erjanê xo vejîyê. Ma serra 45. ya têkoşînê PKKyî de neçare yê ke erk û mesuldarîyanê xo yê seba awankerdişê cuya azade û demokratîke bîyarê ca.” BEHDÎNAN
