Almanya de 26ê teşrîna peyêne ya 1993yî de pêro aktîvîte û çalakîyê PKKyî ameybî qedexekerdene. Aktîvîstê PKK-Verbot Aufheben Kampagne (Wa Qedexeyê Vera PKKyî Wedarîyo) bi wesîleya serra 30. ya qedexeyî panel û xebatanê xo rê dewam kenê. Aktîvîstanê kampanya şaristanê Zurichî yê Swîsre de panelêk ame kerdene.
Panel de aktîvîstan Fireda Gertar û Luis Ziltonî pêşkêşîyî kerdî.
Komîteya Rojawanî panel de hêverî qisey kerd û pare kerd ke qedexeyê vera PKKyî ra kurdî Ewropa de mexdûr bîyê.
Fireda Gertar û Luis Ziltonî zî bale ante ser ke PKK serkêşîya îdeolojîya ekolojîk, demokratîke û azadîgîrîya cinîyan keno. Qiseykerdoxan vist vîrî ke qedexeyî ra nata kurdîstanijî têkoşîn kenê û nê qedexeyî ra semed Almanya xeylêk kurdî eştê zîndanî.
Qiseykerdoxan vat: ”Wa her kes vera nê qedexeyê serê PKKyî tewrê xebatan û çalakîyan bibo. Vera qedexeyî tewrê Defend Kurdistanî bibê, destek bidê Heyva Sore, dezgeh û rêxistinan rê mektub û emailan bierşawê.”
Panel de venga pêro kurdîstanijan dîya ke Berlinê Almanya de 28ê teşrîna peyêne de tewrê mîtîngê vera qedexeyî bibê. ZURICH
