Garîbe Gezere9ê Kanûna 2021î de Zîndanê Kandira ê Kocelîyî de hucreyê yewkesîye ke ci de mendêne de dinyaya xo bedilnaye. Garîbeya ke tecawuz û îşkenceyê gardiyanan ke ci rê kerdibî îfşa kerdibî, dimayê nê demêk kilm bi hawayêke bi guman dinyaya xo bedilnaye. Her çiqas ke ci ra ame vatiş, întîhar zî keye û derûdorî semedê netîceyê raporî zî dîyar kerdî ke aye ameya qetilkerdiş.
Ajansê Jinnewsî xo resna rojaneyê Garîbe ke semedê birayê xo Bîlal Gezerî ke prosesê serewedarnayîşê Kobanê yê Vakurê Kurdistanî de amebî qetilerdiş.
Hîn cumleyê rojane bi nê rengî yê:
“Merheba bira,
Huyayîşêk to yê hende weşik bi ke o wext mi dayîne vindarnayîş. Mi tim waştêne uca de vinderî û nêvejî ê wextî ra.
Cinîyê ke zîndan de yê, xeylêk weşik ê. Nêzana çira xeylêk merdimî wazenê nê weşikîyan qetil bikerê… 2017
Wa şarê kurdî zulm nêancê. Wa kes nêro dejnayîş û wa tu dej sey dejê kurdan giran nêbo êdî. Wa heme komelê ke serê rîyê dinya de yenê asîmlekerdiş û çinkerdiş, azad bibê. Wa aştîyêk virazyo. Wa PKK bibo fehmê ma yê cuye… (24.03.2017 – Zîndanê Şakranî)
Ez bêtebat a ke mujdana azadîya ma to rê neql bikerî. Do serra 2018ine bibo serra azadîya ma. Mujdana azadîya ma: ‘Şer qediya, ma qezenç kerd.’ (01.01.2018)
Mi nas bikerê! Ez hesreta xoza, hesreta koyan, ez hesreta kulturê to yê ke semedê eşqê Kurdistanî veşenê ya… Ez waya Şehît Bîlalî ya.
Mi vatibi ez dêsan hîs kena. No hîs nêşibyeno hîsê bînan. Seke dês wuştê û sey beran abîyê. Ez dinya de her çî vînena. Ez weşikîya xoza hîs kena. Verê mi hende çî hîs nêkerdêne. Nika ez hem vînena û hîs kena… (05.12.2019 – Zîndanê Tarsusî)
Ez herra ke ser de pîl bîya, bajar û kuçeyê ke pîl bîya tersena êdî. Coka mi hemverê nê sîstemî sere wedarna. Demê ke yew waşt mi sînordar bikero ez hemverê kewta mîyanê tevgerî. (08.12.2019 -Zîndanê Tarsusî)
Demê peyîn de hêrsêk pîl zerrîya mi de esto. Ez hemverê bêheqîyê rojname, televizyon û kitaban de wanena û vînena bi hêrs a. Rojhelato Mîyanên agêra merkezê şerî. Ne ci ra yeno vetiş, ne zî yeno safîkerdiş. Şerê Rojawanî 8 – 9 mengî dewam keno. Selocan û parlamenterê ma yê ke rewşa Tirkîya pers kenê zîndanan de yê. Qenal û rojname qalê HDPyî nêkenê. Zere de û teber de ma hende asan yenê qetilkerdiş. Demo ke ma yenê qetilkerdiş zî sucdar reyna benê ma… ( 04.01.2020 – Zîndanê Tarsûsî)
Homa û pêxemberî, şima hemine ra vato ten abiwanê. La îlahîye ma cinîyan ra vata binusê. La rexmê nê tarîxê ke cinîya îlahî nuşta vînî ya… Çira? (Zîndanê Tarsûsî)
Nê ke ma merg ra tersenê, babete tewirê merdişê hetê hişmendîyê pederşahî yo. Tersê ma no yo. La ma hemverê tersî sere wedarnenê û sere wedarnenê. Do Sosyalîzm bê rayberîya cinîyan dir bêro. (2020 – Zîndanê Tarsûsî) MÊRDÎN
