AKP ji bo şaredariya Agiriyê bi dest bixe duh êvarê li taxan koliyên alîkariyê belav kir. Dimên û wêneyê alîkariyê gihîştin ber destê me. Gelê Agiriyê bertek nîşan da û gotin ku ev heqareteke mezin e û dê li ser sindoqan bersivê bidin
Li Agiriyê saetên serê sibê dengdayîna hilbijartinên rêveberiyên herêmî dest pê kir û dewam dike. Wekîl û namzetên HDP’ê diçin ser sindoqan û pirsgirêkên gel guhdar dikin.
Namzeta HDP’ê ya Hevşaredariya Agiriyê Yelîz Karaaslan li dibistaneke li Taxa Gazî ya Agiriyê û hevseroka KCD’ê û parlamenter Berdan Ozturk jî li dibistaneke din dengê xwe bi kar anîn.
Dîmen û wêneyên alîkariyê
Hikûmeta AKP’ê ji bo şaredariyê bi dest bixe serî li lîstikên qirêj dide. Hat ragihandin ku şeva beriya hilbijartinê AKP’ê li taxan koliyên alîkariyê belav kiriye. Dîmen û wêneyên belavkirina alîkariyan gihîşstin ber destê me. Welatiyekî ku nexwest navê xwe bide got ku HDP’iyan li taxan bertek nîşan dane, vîdeo û wêne kişandin.
Gelê Agiriyê biçûk dixînin
Welatiyê ku nexwest navê xwe bide wiha got: “Dixwazin bi belavkirina çend tiştan me bikirin. Em ewqas erzan nîn in ku dengê xwe bifroşin koliyên AKP’ê. Ev ji bo gelê Agiriyê heqareteke mezin e û em ê di sindoqan de bersivê bidin biçûkxistinên wan. Ez bang li hemû gelê Agiriyê dikim ku bila biçin ser sindoqan û dengê xwe bidin HDP’ê.” AGIRÎ
