Ji bo şermezarkirina êrîşên dagirkeriyê yên dewleta tirk ên li dijî rojavayê Kurdistanê û piştgiriya bi berxwedana gel û şervanan re, îro dê li 11 navendên başûrê Kurdistanê çalakî bên lidarxistin
Bertekên gelê Kurdistanê yên li dijî êrîşa dagirkeriyê ya dewlet tirk û komên çete yên girêdayî wê ya li ser rojavayê Kurdistanê, her ku diçe mezintir dibe. Bi taybet jî li başûrê Kurdistanê li dijî êrîşên dagirkeriyê hêrseke pir mezin heye. Di çarçoveya bertekên li dijî dagirkeriyê de dê îro li 11 navendên başûrê Kurdistanê çalakiyên şermezarkirinê bên lidarxistin.
Çalakiyên ku ji aliyê înîsiyatîf, bereyên piştevaniya Rojava, sazî û dezgehan ve tên organîzekirin, dê ji Duhokê heta Xurmatuyê bên lidarxistin. Komîteyên amadekar bang li tevahiya gel, pêkhate, partî, rêxistin, jin û ciwanan kirin ku beşdarî xwepêşandanan bibin.
Li gorî vê yekê;
* Îro dê saet di 16.00’an de li Parka Newroz a Duhokê,
* Saet di 10.00’an de li ber avahiya nûnertiya Neteweyên Yekbûyî (NY) ya li Hewlêrê,
* Saet di 16.00’an de li Baxê Giştî yê Silêmaniyê,
*Saet di 16.00’an de li hemberî Hola Konferansê ya Akrê,
*Saet di 16.30’an de li navenda Koyê,
* Saet di 15.30’an de li nava bazarê ya Derbendîxanê,
* Saet di 15.30’an de li navenda Xurmatûyê,
* Saet di 15.30’an de li çerxerêya nava bazarê ya Diyanayê,
* Saet di 15.00’an de li pêşiya peykerê Enfalê ya Teqteqê
* Saet di 16.00’an de li navenda Xaneqînê,
* Saet di 16.00’an de jî dê li bazara Hewçerx a Çomanê çalakiyên protestoyî bên lidarxistin.
