Gelên Efrînê li gundê Sixonekê li dijî lêkirina dîwar a dewleta tirk û çeteyên wê di nav çalakiyê de ne
Gelê Efrînê li gundê Sixonekê yê Şêrewa, ji bo lêkirina dîwar a ji hêla dewleta tirk û çeteyên wê ve şermezar bikin, di nav çalakiyê de ne.
Gelê Efrînê yê bi neçarî koçî herêma Şehbayê bûye, bi girseyeke qerebalix çûn gundê Sixonekê yê nêzî herêmên ku dewleta tirk û çeteyên wê dagir kirî û li vir çalakî pêk anîn.
Di çalakiyê de li ser navê kantona Efrînê Mihemed Ebdo, bi navê saziya malbata şehîdan Suriya Hebeş, bi navê Meclisa Herêma Şêrewa Wîded Dewod û bi navê Meclîsa Herêma Şehba Edanan Hemo axivîn û bal kişandin ser dîwarê ku dewleta tirk û çeteyên wê lê dikin û dan zanîn ku ev pêkanîn parçekirina xaka Sûriyeyê ye.
Axafitvanan tekez kirin ku bêdengiya navdewletî û lawazbûna helwesta rejîma Sûriyeyê der barê plana Tirkiyeyê ya avakirina dîwar li derdora Efrînê, dihêle gel zêdetir di berxwedana xwe de bi israr bike û li hember dagirkeriya tirk bisekine.
Her wiha gelê Efrînê bang li civaka navdewletî kir ku ji bêdengiya xwe derkeve. ŞEHBA
