Navenda Nûçeyan |
Dewleta tirk şevê din bi balafirên bêmirov (SÎHA) êrîşî gundê Helîncê yê Kobanê kir. Di encama êrîşê de endama Koordînasyona Kongreya Star a Herêma Firatê Zehra Berkel, xwediya malê Emîne Weysî û welatiya bi navê Hebûn Mele Xelîl jiyana xwe ji dest dan.
Bi armanca şermezarkirina komkujiya dewleta tirk, bi sedan jin li Qamişlo, Çilaxa, Girkê Legê û Kobanê daketin qadan. Di vê çarçoveyê de welatiyên Qamişloyê li ber navenda Neteweyên Yekbûyî (NY) kom bûn û êrîşa dewleta tirk şermezar kirin. Di çalakiyê de welatiyan wêneyên jinên ku di komkujiya Kobanê de şehîd bûne, pankartên ‘Xwîna şehîd û qîrîna zarokên me dê hesab ji we bixwaze’, ‘Berxwedana gelê kurd dê faşîzma dewleta tirk têk bibe’, ‘Bi hevrînan ta Zehreyan bilindkirina berxwedanê’ û alên Kongreya Star hildan.
Şêniyan xwest ku ji ber êrîş û komkujiyên ku dewleta tirk li Bakur û Rojhilatê Sûriyeyê dike, divê ji dewleta tirk hesab bê pirsîn. Tê payîn ku Kongreya Star têkildarî mijarê daxuyaniyê bide.
Her wiha bi sedan şêniyên navçeyên Çilaxa û Girkê Legê yên herêma Cizîrê û Kobanê yê herêma Firatê berê xwe didin qadan ku xwepêşadanan li dar bixin.
