Gundê Bafê yê navçeya Hezex a Şirnexê, yek ji herêmên ku li qeraxa Çemê Dîcleyê ye. Bi demsala biharê re hewa germ bû û xwezaya gund jî hêdî hêdî hêşîn dibe. Bi beybûn, xecxecok û gelek kulîlkên xwe yên din re reng bi reng e.
Xuşîniya çemê Dîcleyê, sewalên li gelî diçêrin, jinên pincar berhev dikin û mêşvanên li gelî, li dîmena navçeya Basan û Çiyayê Gabarê reng û dengekî cuda bar dike.
Her sal gelek welatî ji bo bêhnvedan û geştê dihatin vî geliyî. Lê niha bêdengiyek lê serwer e. Sedema vê bêdengiyê jî şewba vîrûsa koronayê (Covîd-19) ye ku li seranserê cîhanê belav bûye. Ji ber vê yekê jî niha Geliyê Botan tenê malovaniya çûkên cur bi cur, mar, marmarok û sewalên kûvî dike.
Wêne: Mujdat Can / MA-ŞIRNEX
