Vilakerdişê Cereyanî yê Dîcle A.Ş (DEDAŞ) nizdîyê 100 dewanê pabesteyê qezayanê Qoser, Artuklu û Dêrikî de bi mehneya deynê înan estî, cerayan birna. Dewa Kuçukka ya pabesteyê Artuklu ya Mêrdînî de 23 rojî yo ke cereyan çin o û dewijî bîro ke yew kîlometre dûrê înan o ra awe benî. Dewijan dîyar kerd ke proseso ke vîrus esto de çinbîyayîşê awe û cereyanî xeylê zehmet o û xeylê dewarê dewijan bêawî vera merdî.
Dewijan ra Zehra Kayaye ard ziwan ke hewa xeylê germ o û wina dewam kerde: “Bi rojan o ke domanê ma germ vera perîşan bîyî. Ma kam cû dewr de yî. Ma awa serdin nêşimenî. Ma şîyî DEDAŞ û sebebê birnayîşê cerayanî persayî. Ê zî vanî ke deyn esto. La deynê ma çin o. Çîyo ke yeno kerdene tedayêka pîl o. Na rewşe do çiqas dewam bikera? Dewarê ma telef bîyî.”
Tewr peynî Hasîna Kayaye qisey kerde û aye zî înan va: “Hewteyo peynî de 6 mîhê mi bêawî vera merdî. Dewynê mi çin o. No nîno qebulkerdene. Dewarê mi axur de bêawî vera mirar bîyî. Eke wina dewam bikero do pêroyê dewarî bimirî. Gelo kesêk ke vengê ma bieşnawo çin o? Wa çîyêk bêro kerdene.” MÊRDÎN
