Îranê diyar kir, heke DYA bombe an jî moşekê bavêje ew ê li baregehên DYA’yê yên li Yekbûna Mîrektiyên Ereb (YME), Qetar û Omanê bixin.
Têkilî krîza di navbeyna DYA û Îranê de rayedar ji aliyekî ve daxuyaniyên nerm didin û ji hêleke dî ve jî gefan li hev dixwin.
Fermandarê Hêzên Hewa-Fezayê yê Zêrevanên Şoreşa Îranê Tûxgeneral Emîr Elî Hacîzade got, heke bombe, moşekeke DYA’yê li xaka Îranê bikeve, ew ê li baregehên leşkerî yên DYA’yê yên li YME’yê, Qetar û Kendava Omanê bixin.
Hacîzade diyar kir, ku wan baregehên leşkerî yên Qetar, YME’yê diyar kirine û got, ”Îstîxbaratên welatên dost ên li herêmê ji me re ragihandin ku DYA’yê bi wê nîyetê ye ku êrîşê bîne ser Îranê. Lê ev yek wê bi vî rengî ne hêsan be.”
Hacîzade got, piştî ku Îranê amûra hewayî ya DYA’yê anî xwarê, îhtîmala şer taloq kiriye û got, DYA ambargoyê mîna çekê dixebitîne.
Hacîzade got, hin lîderên YE’yê û hin rayedar bawer dikin ku ji peymana nukleerê vekişin wê şer dest pê bike.TEHRAN
