Navenda Nûçeyan |
Endamê Rêveberiya Yekitiya Nîştimana Kurdistanê (YNK) û fermandarê Herêma Germiyanê ya hêzên Pêşmerge Mehmud Sengawî, di salvgera şehadeta pêşmergeyê Dêrîn Heme Sengerî de axivî.
Sengawî di peyama xwe de behsa egera şerê kurd bi kurdan kir û wiha got: “Ji bo ku dewleta tirk ji me re bêje eferim, an jî aliyek din ê Iraqê ji bo me re bêje eferim, nabe em şerê aliyek bikin û zarokên xelkê bidin kuştin. Divê em hemû dakevin kolanan û şerê birakujiyê heram bikin. Şêr dijî PKK’ê heram bikin. Di vî demê de, şerê dijî PKK’ê ji bo gelê me xeteriyek mezin e.”
Her wiha Sengawî li ser egera şerek dijî PKK’ê jî dijberiya xwe anî ziman û wiha got: “Min li ser şerek dijî PKK’ê ji hevserokên YNK’ê re gotiye, ger hemû dinya jî xirab bibe, ez yek gule li hemberî PKK’ê nateqînim.”
