Gerîlayên HPG’ê li herêma Bestayê ya Şirnexe li dijî leşkerên tirk çalakiyeke suîkastê kir. HPG’ê ragihand ku di çalakiyê de leşkerek hatiye kuştin
Navenda Ragihandin û Çapemeniyê ya HPG’ê ragihand ku di 10’ê gulanê de li herêma Bestayê ya Şirnexê çalakiyeke suîkastê kirine. HPG’ê di daxuyaniyê de ev agahî parve kir: ”Bi çarçoweya Pêngava Tolhildanê ya Şehîd Medya Mawa û Şehîd Rizgar Gever, di 10’ê gulanê de li herêma Bestayê ya Şirnexê, li qada Şehrîban li dehma Deriyê Eyşedînkê li dijî artêşa TC’ê ya dagirker çalakiyeke suîkastê hate kirin. Di çalakiyê de leşkerek hat kuştin.”
Di daxuyaniyê de têkilî operasyonên dewleta tirk û êrîşên hewayî jî agahî hat dayin: “Di 30’ê nîsanê de saet 23.00’an artêşa TC’ê ya dagirker li qada Kelanisê ya naçeya Hawêlê ya Sêrtê bi desteka amûrên hewayî yên bêmirov operasyon daye destpêkirin. Di 1’ê gulanê de balafirên şer ên dagirkeran di navbeyna saet 10.00 û 18.00’an de qada operasyonê bombe kirin. Di encama vê bombebaranê de 3 hevalên me şehîd bûne. Ev operasyon di 3’yê gulanê de ji qadê kişiyane. Agahiyên nasnameyê yên hevalên me yên şehîd piştre wê bi raya giştî re werin parvekirin. Di 12’ê gulanê (îro) saet 03.00’an balafirên şer ên artêşa TC’ê ya dagirker geliyê Şêxzadê yên herêma Xakurkê ya Qadên Parastinê yên Medyayê bombe kirine. Di encama êrîşê de tu ziyan nehatiye ser hêzên me.” BEHDÎNAN
