Hêzên gerîla li navçeya Başan a Îdirê li artêşa tirk xist. Çavkaniyên ji herêmê ragihand ku di çalakiyê de gelek wesayît hatine rûxandin û gelek jî hatine derbkirin. Her wiha hat gotin ku di çalakiyê de gelek leşker jî hatine kuştin û gelek jî birîndar in
Çalakiyên gerîlayên HPG û YJA-Starê yên li dijî hêzên artêşa tirk bênavber didomin. Di vê çarçoveyê de hêzên gerîla di 1’ê hezîranê de li navçeya Başan a Îdirê li dijî hêzên artêşa tirk çalakiyekî bibandor pêk anî.
Li gorî agahiyên ji çavkaniyên herêmê, di encama çalakiya hêzên gerîla de gelek wesayîtên zirxî bi temamî hatine rûxandin û gelek wesayît jî hatine derbkirin.
Çavkaniyên ji herêmê ragihand ku di encama çalakiyên gerîla de gelek leşker hatine kuştin û gelek jî birîndar bûne lê hejmara wan nehatiye zelalkirin. Çavkaniyan diyar kir ku hêzên artêşa tirk bi 10 wesayîtên sivîl û zirxî û bi ambûlansan termên leşkeran û leşkerên birîndar ji qada çalakiyê rakirine.
Tê payîn ku HPG di demên pêş de têkildarî çalakiyê agahiyan bide. Hêjayî gotinê ye ku dewleta tirk îdia kiribû ku di çalakiyê de tenê 3 leşker hatine kuştin. ÎDIR
