Gerîlaya YJA Starê ya behdînî Rûken Dilgeş destnîşan kir ku gel û gerîla bi hev re têbikoşe dê teqez bi ser bikevin.
Gerîlaya YJA Starê Rûken Dilgeş ku 13 sal in gerîlatiyê dike, ji Ajansa ANF’ê re axivî.
Rûken Dilgeş anî ziman ku artêşa tirk piştî Heftanîn, Xakurkê û Garê êrîşeke berfireh li ser Avaşîn, Zap û Metînayê daye destpêkirin û destnîşan kir ku bi berxwedaneke mezin bersiv ji her êrîşê re tê dayîn.
‘Em bi canê xwe li ber xwe didin’
Rûken got ku ew ji bo gelê xwe li wir in, bi canê xwe li ber xwe didin û bal kişand ser êrîşên artêşa tirk ên dûrî ji pîvanên şer.
Rûken Dilgeş destnîşan kir ku artêşa tirk tevî bikaranîna çekên kîmyewî bi rengekî hovane êrîşan dike lê tevî vê jî nikare berxwedanê bişikîne û wiha domand: “Her hevaleke/î me berdêla 30 leşkerên tirk e. Serketin bi berxwedaneke mezin tê bidestxistin. Em çiqasî qala vê berxwedanê bikin jî têrê nake.”
Bang li xelkê Behdînanê kir
Her wiha gerîlaya YJA Starê Rûken Dilgeş anî ziman ku ew dixwaze bi taybetî bang li xelkê Behdînanê bike û axaftina xwe wiha bi dawî kir: “Gelê me yê li Behdînanê divê rabe ser pêyan û dîlgirtinê qebûl neke. Ez zanim ku zexteke mezin li ser xelkê me yê li Behdînanê heye lê belê divê xwe bêçare nebîne. Bi taybetî eşîra Zêbarî divê vê zext û dîlgirtinê qebûl neke. Eger gel û gerîla bibe yek wê serketin misoger be.” BEHDÎNAN
