HPGyî da zanayene ke Dêrsim de yewîya nimiteye ya dişmenî ameye pirodayene 2 leşkerî ameyî kiştene
Merkezê Çapemenî û Îrtîbatî yê HPGyî derheqê çalakîyanê gerîlayan û hêrişê hewayî yê artêşa tirkî de zanayîş da.
HPGyî da pêhesnayene ke 3ê Hazîrane de dewa Şoşvengî ya qezaya Pulurî ya Dêrsimî de yewîyêka nimiteye ya artêşa tirkî ameye pirodayene 2 leşkerî ameyî kiştene û 2 leşkerî zî birîndar bîyî.
Eşkerayîye derheqê hêrişanê hewayî de zî nê ameyî parekerdene: “5ê hezîrane de teyareyanê şerî yê artêşa tirkî serê sibayî ra heta şanî Dola Çil û Çarî û Şexzade yê pabesteyê Xakurkê bombardûman kerdî. Dimayê hêrişan erazî de şewat vejîya. 3 pêşmergêyê herême yê ke waştêne şewat hewna bikerî bi zanayîş hetê artêşa tirkî ra ameyî pirodayene û birîndar bîyî. Bi nê hêrişan wazenê ke herême bêmerdim bikerê. 3ê hazîrane de hêramê Kunişka ya Zapî sero bombayî ameyî varnayene. Netîceyê nê hêrişî de 2 embazê ma şehîd bîyî. Nasnameyê nê embazanê ma do pêra bêrê parekerdene. 4ê menge de zî teyareyanêşerî herêma Şehîd Rustemî bombardûman kerde. Garê de 5ê hazîrane de teyareyanê şerî derûdorê dewa Ergenê ser o bombayî varnayî bax û xaçeyê şarî zirar dî. Nê hêrişî de vîndîbîyaye yê ma çîn ê.” BEHDÎNAN
