Gerîlayan li dijî leşkerên tirk ên li devera Çemçê ya girêdayî Qaxizman a Qersê derketibûn operasyonê 2 caran çalakiyên sabojatê lidar xistin. Di çalakiyê de bi qasî hate zelalkirin 2 leşker hatine kuştin
Navenda Ragihandin û Çapemeniyê ya HGP’ê li ser çalakiyên gerîla daxuyaniyek nivîskî da. HPG’ê destnîşan kir ku gerîlayan li dijî leşkerên tirk ên li devera Çemçê ya girêdayî Qaxizman a Qersê derketibûn operasyonê 2 caran çalakiyên sabojatê lidar xistin. Di çalakiyê de bi qasî hate zelalkirin 2 leşker hatine kuştin.
HPG’ê ev agahî da:“Artêşa TC’ê a dagirker 20’ê îlonê li devera Çemçê ya navçeya Qaxizman a Qersê dest bi operasyonekê kiribûn. Hêzên me di çarçoveya Pêngava Serketinê ya Şoreşgerî de 24’ê îlonê saet 10.00’ê li devera Penavosê li dijî yekîneyeke di nava tevgerê de bû çalakiyeke ya sabotajê kiriye. Di vê çalakiyê de hejmara kuştî û birîndarên dijmin nehatiye zelalkirin. Di 25’ê îlonê saet 11.10’an de jî hêzên me li dijî yekîneyeke ya operasyonê cara duyemîn çalakiyeke sabotajê kirine. Di vê çalakiyê de 2 leşker hatine kuştin. Operasyon bi yekîneyên veşartî didomin.”
Bi berdewamî HPG’ê ev agahî parve kir: “Di 28’ê îlonê saet derdorî 00.30’î de di encama êrîşa hewayî ya artêşa TC’ê ya li herêma Gabar a Şirnexê de 2 hevrêyên me şehîd bûne. Em ê piştre nasnameya hevrêyên xwe yên şehîd bûne bi raya giştî re parve bikin. Di 23’yê îlonê de li devera gundê Sulavê ya girêdayî navçeya Elbak a Wanê operasyonek hatibû destpêkirin. Artêşa TC’ê ya li herêmê lêgerîn dikirin di 27’ê îlonê de bêyî ku encamek bi dest bixin vekişiyane. Di 30’ê îlonê de jî balafirên şer saet derdorî 12.00’ê de deverên Çemço û Karkeran ên Herêma Zapê ya Herêmên Parastinê yên Medyayê bombe kirin. Di vê bomberdûmanê de tiştek bi hêzên me nehatine.” BEHDÎNAN
