Gerîlayên HPG û YJA-Starê li dijî leşkerên artêşa tirk a dagirker rêzeçalakî lidarxistin. Navenda Ragihandin û Çapemeniyê ya HPG’ê agahiyên têkildarî çalakiyan bi raya giştî re parve kir
Navenda Ragihandin û Çapemeniyê ya HPG’ê (HPG-BİM) bi daxuyaniyeke nivîskî ragihand ku di çalakiya li dijî leşkerên tirk ên li herêma Tepê Xwedê yê herêma Avaşînê bicih bûbûn de gelek leşker hatine kuştin û birîndar bûne. HPG’ê ragihand ku li herêmên Besta û Qilebanê yên Şirnexê gerîlayan rêzeçalakî lidarxistine.
HPG’ê di daxuyaniya xwe de ev tişt anî ziman: “Di çarçoveya Pêngava Şoreşgerî ya Şehîd Bager û Şehîd Ronya de hêzên me yên YJA-Starê di roja 5’ê tîrmehê saet 12:30’an de li dijî artêşa TC’ê ya dagirker ku li Tepê Xwedê yê herêma Avaşîn a Herêmên Parastinê yên Medyayê bicih bûbûn çalakiyak lidarxist. Di çalakiyê de bi serketî li çeper û baregehên dijmin hate xistin, hejmara kuştî û birîndarên dijmin nehate testpîtkirin. Piştî çalakiyê artêşa TC’ê ya dagirker herêm bombe kir û di encamê de şewat derket.”
Di berdewamiya daxuyaniyê de HPG’ê ev agahî par ve kir: “Di roja 6’ê tîrmehê saet 09:30’an de hêzên me li dijî artêşa TC’ê ya dagirker ku li Girê Yekmalê ya navçeya Qileban a Şirnexê bicih bûbûn çalakiyek lidarxist. Di çalakiyê de li çeperên dijmin ên li gir hate xistin, hejmara kuştî û birîndarên dijmin nehate testpîtkirin. Piştî çalakiyê artêşa TC’ê ya dagiker bi topên hawan û obusan herêm bombe kir. Di encama bombebaranê de li herêmê şewat derket. Di roja 7’ê tîrmehê (îro) saet 05:30’an de hêzên me yên YJA-Starê di çarçoveya Pêngava Tolhildanê ya Şehîd Medya Mawa û Şehîd Rizgar Gever ku li Botanê didome de, li dijî leşkerên li herêma Deriyê Beroj a herêma Şehrîban li herêma Besta a Şirnexê çalakiya sekvanî lidarxist. Di çalakiyê de leşkerek hat kuştin.”
Êrîşên hewayî
Derbarê êrîşên hewayî yên artêşa tirk de jî HPG’ê ev daxuyanî da: “Balafirên şer ên artêşa TC’ê ya dagirker di roja 5’ê tîrmehê saet 21:00’an de bombe li herêma Saca ya herêma Zê ya Herêmên Parastinê yên Medyayê barandin. Di vê bombebaranê de tu windahiyekî yê hêzên me çênebûn lê zirareke mezin gihişte bax û baxçeyên welatiyên sivîl. Dîsan di roja 6’ê tîrmehê saet 22:30’an de balafirên şer ên artêşa TC’ê ya dagirker bombe li Tepê Cûdî yê herêma Gundê Fila ya herêma Zê barandin. Di vê bombeberanê de ti windahiyekî hêzên me çênebûn.” BEHDÎNAN
