HPG’ê bi daxuyaniyekê ragihand ku hêzên wan li ser rêya di navbera taxên Metmanis û Taxa Jor a Westanê li komeke kontra xist û 4 kontra birîndar bûn
Navenda Ragihandin û Çapemeniyê ya HPG’ê têkildarî çalakiyên gerîla û êrîşên hewayî yên artêşa tirk daxuyaniyeke nivîskî weşand.
HPG’ê di daxuyaniyê de diyar kir ku hêzên wan di roja 18’ê hezîranê saet di 00:10’an de rêya di navbera taxên Metmanis û Taxa Jor a Westan a Wanê ji trafîkê re girt. HPG’ê diyar kir ku hêzên wan têkildarî pêvajoyê gel agahdar kir û nasname kontrol kirin.
HPG’ê da zanîn ku piştî vê çalakiyê, saet derdora 02:00’an de yekîneyên kontra yên girêdayî artêşa tirk xwestin êrîşî herêma çalakiyê bikin. HPG’ê di berdewamê de jî ev agahî dan: “Hêzên me li dijî vê yekîneya kontra çalakiya sabotajê pêk anî. Di çalakiyê de 4 kontra birîndar bûn. Piştî çalakiyê hêzên dagirker li herêmê dest bi operasyonê kir û bi ser hinek malên li herêmê de girt û zext li gel kirin. Yekîneya me ku çalakî pêk anî, bi silametî gihişte baregeha xwe.”
Êrîşên hewayî
Herî dawî jî HPG’ê ev agahî parve kirin: “Artêşa tirk di 22’yê hezîranê saet di 08:00’an de geliyê Şehîd Delîla û Qesrokê ya herêma Heftanîn a Herêmên Parastinê yên Medyayê bombebaran kir. Di vê bombebaranê de tiştek bi hêzên me nebû.” BEHDÎNAN
