Daxuyaniya Navenda Ragihandin û Çapemeniyê ya HPG’ê têkildarî çalakiyên gerîlayên HPG û YJA Starê ya li Zapê daxuyaniyek da. HPG’ê aşkara kir ku gerîlayan bi çekên giran li leşkerên tirk ên dagirker xistin.
Daxuyaniya HPG’ê wiha ye: “Di çarçoveya Pêngava Şoreşgerî ya Bazên Zagrosê de li Zapê; di 24’ê adarê saet di 00.10’an de hêzên me ji 2 baskan ve bi çekên giran li dagirkerên li Kela Bêdewê xistin. Di vê çalakiyê de herî kêm dagirkerek hat cezakirin û 2 çeperên dagirkeran hatin îmhakirin. Ev çalakî di şexsê şehîdên me yên Hefteya Lehengiyê ya 21-28’ê adarê de ji bo bîranîna lehengên nemir ên Kurdistanê hemûyan hatiye kirin. Her wiha di 24’ê adarê saet di 17.40’î de li herêma Zazpê qadên Girê Bihar, Şehîd Şahîn û Şehîd Rustem bi balafirên şer 3 caran hatin bombekirin. Heman rojê saet di di 18.00 de qada Girê FM ji aliyê qereqolên li ser sînor ve bi obusan hate bombekirin. Di 24’ê adarê saet di 17.30’î de li herêma Xakurkê derdora Çemê Lolanê bi balafirên şer hate bombekirin. Di 24 û 25’ê adarê li herêma Metînayê derdora Girê Hakkarî bi balafirên şer 4 caran hate bombekirin.”
