Bi îmzaya Erdal Tolhildanî, gerîlayan mektubêk 15 girewteyoxanê ke rojeyê mergî de yê rê şawite. Mektube de ame vatene: “Gamêka sey 15ê Tebaxe ya ke silam da 14 Temmuze do qetî biba.”
Gerîlayan mektube xoverdayoxanê rojeyê mergî rê şawite. Mektube bi nameyê gerîlayanê HPG û YJA Starî ameye nuştene û 1ê Gulane de ameye şawitene. Destpêkê mektube de ame vatene: “Hemrayê ma; destpêk de şima hemeyan bi hîsanê şorişgêrî silam kena, bawerîya xo ya bi serkewtişî ya ke şexsê şima de reya bîne kewta verê çiman reyan bîne dubare kena û vera serkewtişê şima yo bi hêvîye, bejna xo bi rêzdarî kena çewt.”
Mektube de perse, Mîyanê tarîxî yo ke dewlete serûbin kerdo de, gelo ameyo dîyayene ke ê yê ke serkewtê teslîmê binkewtîyan bîyê?’ ame kedene û ame vatene: “Mazdek teslîm nêbibi, Babek û Hurrem zî. Şêx Bedrettîn û Torlak Kemal zî. Gelo Elîşêr Koçgirî, Şêx Seîd, Seyîd Riza? Ney, ê zî teslîm nêbibî. 30ê Adare 1972 de Kizildere de, Mahîr teslîm nêbi ke serkewtişê ey bi male 50 serra dima ey. Denîz, Huseyîn û Yûsûf ê ke şodirê 6ê Gulane de wexto ke seba dardekerdişî Hepsixaneyê Mamakî ra ameyî girewtene, wexto ke korîdoranê hepisî ra derbaz bîyî û verê xo da berî, qet teslîmîyet nêfikirîyaybî. Çunke înan zanayêne, a game ê ser kewtê. Ê koxûşan ra yewî de ciwanêkê Kurdistanijo 23 serrî va ‘Ez seba xoserbîyayîşê welatê xo û şarê xo reyêk bi şerefê xo mirena, ez keyfweş a. Şima; ê yê ke ma erzenê dare, şima do bi bêşerefîya xo her roje bimirê. Îbrahîm Kaypakkaya yo ke her rojê hîrê meng û nême heta 18ê Gulana 1973 bi serkewtişî derbaz kerdê, teslîm nêbi. Hakî Karero ke roja 18ê Gulane de taxa Duztepe ya Dîlokî de bêçeke û bêguman şi cayê pêvînayîşî, teslîm nêbi. Seba ke zanayebî seba têgêrayîşêkê tarîxkî gamê destpêkî yenê eştene û rew ra ser kewto. Mazlûmo ke şewêka Newroze de bi hîrê niftan roşanê hîrê hemrayanê xo pîroz kerd, bi hawayêko tewr zerrîşenikîya tarîxîyî pîrozkerdişê serkewtişî kerd û cewabo tewr gird da vengdayîşê teslîmîyetî yê derbeya 80î. Çarê ke 18ê Gulana 1982 de adirê bêpeynîye yê serkewtişî tafîna, bi mektubê ke xo pey de verdayê vengdayîş bi her kesî kerdêne ke wa dorê adirî de bêrê têhet. 14ê Temmuze 1982 de xoverdayîşo ke bi şeş hemrayan dest pêkerd, zanayêne ke no do ameyox de bireso bi mîlyonan kesan û bi na hişmendîye serkewtiş pîroz kerdêne. Zulkuf Gezen wexto ke adir xurt kerd, mojna ke mîyanê çar dêsan de zî do nêeşkenê teslîm bêrê girewtene. Rayber Apo Îmraliyî yo ke seba teslîmgirewtişî ameyo awankerdene, her gama 20 serra de şoriş keno. Coka serdestê ke wazenê bi tecrîdkerdişî Rayber Apoyî teslîm bigêrê, rew ra bin kewtê.
30 Nîsane roja ma ya serkewtişî ya
Serê rîyê dinya de tu dêsêk nêeşkeno vera roşnîya Tîje de bivindo. Tu hucrêyêk nêeşkena heme merdimîye bigêra zereyê xo. Teberê PKKyî de tu hêzêk çin o ke rixme derbazbîyayîşê 40 serra, her roja neweye bi îdealanê ke nêbenê kehen û bi ey ruhê amatorî biaçarnayo şorişî.
Hemrayênê, 30ê Nîsane 2019 êdî roja şima ya serkewtişî ya. 30ê Nîsane a roja ke ê yê ke cuya û çimeyê aye Tîje ra, zaf hes kenê ke oxirê aye de eşkenê canê xo bidê, bi 14ê Temmuze reya bîne xo nîşan danê. Şima kesê ke roşano ke tarîxê partîya ma de ca gêno û şarê ma rê bîyo mal, pîroz kenê.
Ruhe 14ê Temmuze resa bedenî
Vera estbîyayîşê qilêrînî yê derbeya 80î de, şima ruhê 14ê Temmuze newe ra resna beden. Ez wazena ke şima nê bizanê; Na game ke silam dana 14ê Temmuze,her Egîdo ke cewab do bido Mazlûmî qetî bibo.
Şîn nîyo, pîrozî ya
Dayîkê ma yê Kurdistanî, na roje ra tepîya şîn girê nêdê; seba ke pawitişê rûmetanê merdimîye şîn nîyo, sebebê pîrozî yo. Ez reya bîne şima bi hîsanê şorişgêrîye newe ra silam kena û vera rojanê ke bi hêvî û serkewtiş derbaz benê, sond wanena ke layikê ci biba.
Bi silam û rêzanê hemrayî.” BEHDÎNAN
