Gerîlayanê YJA Starî derheqê Newroza ke semedê kurdan yena manaya serewedaritiş û xoverdayîşî, ANFyî rê qisey kerd.
Gerîlaya YJA Starî Adare Ararat vat: ”Rixmê heme hêrişanê dewleta tirke şarê kurdî tradîsyonê Newroze yo ke tarîxî ra yeno xo vîr ra nêkerd. Senî ke Kawayê Asinkar û Mazlûm Doganî vera zaliman vejîyayî, ewro zî xoverdayîşê koyanê Kurdîstanî vera Deheqan yeno kerdene. Ma do esmer mîras û têkoşînê embazanê xo bi adirê Newroze girdêr bikerê. Ma do tewr peynî Rayber Apo û şarê xo azad bikerê. Ma do esmer mîras û têkoşînê embazanê xo bi adirê Newroze girdêr bikerê.”
Ma adirê Newroza emserî bi ruh û manevîyatê nê embazan tafînenê
Gerîlaya YJA Starî Rojîne Befircan vat: ”Newroza emserî semedê ma cîya ya. Hêrişanê îşxalî de bi desan embazê ma verê çimanê ma de bi çekanê kîmyewîyan şehîd bîyî. Ma adirê Newroza emserî bi ruh û manevîyatê nê embazan tafînenê. Ma do bi girkerdişê adirî înan yad bikerê. Adiro ke Mazlûm Doganî tafîna têna semedê kurdan nê, semedê heme şaranê bindestan ruhê xoverdayîşî temsîl keno. Ma do rêça Mazlûm û Semayan de nê adirî dahîna gir bikerê. Dewleta qirkere bi heme îmkananê xo hêrişê kurdan kena la nêşekanê adirê xoverdayîşî yê kurdan hewna bikero. No xoverdayîş do girdêr bibo û adirê Newroze tim gir bibo.” BEHDÎNAN
