HPG-BÎM’ê di daxuyaniya xwe ya nivîskî de diyar kir ku li Zapê operasyona Şoreşgerî ya Şehîd Doga Viyan pêk hat.
Di daxuyaniyê de hat gotin ku “Îro saet derdora 13:00’an de li herêma Berxwedana Serdemê ya Girê Cûdî ya Zapê operasyona Şoreşgerî ya Şehîd Doga Viyan hate lidarxistin. Girê ku dijmin lê bi cih bûbû bi temamî ji dagirkeran hate paqijkirin. Gelek çekên dagirkeran hatin desteserkirin, kon û konteynir hatin şewitandin.”
Hate ragihandin ku gerîlayan di çarçoveya “Operasyona Şehîd Doga Viyan” de 22 çek ji dagirkeran desteser kirine.
Her wiha hat gotin ku di operasyonê de kamerayên mobese yên dagirkeran hatine îmhakirin û depoya cebilxaneyan jî hatiye şewitandin.
HPG-BÎM’ê jî da zanîn ku şewata ku piştî çalakiyê li mewziyan ketiye hê jî didome.
