Rixmo ke qedexe yo qezaya Mazgêrdî ya Dêrsimî de nê rojanê peyênan de 8 pezkovîyî ameyî qetilkerdene.
Avûkatan Bariş Yildirim, Fîlîze Sîtare Donmez û Elîfe Ozer gerreyê mesele pezkovîyan Serdozgerîya Komare ya Dêrsimî rê kerd. Avûkatan waşt ke qirker û êyê ke nê qirkerdişan peygoş kenê wa bêrê tesbîtkerdene û hukmkerdene.
Avûkatan gerreyê xo de madeyê Peymana Pawitişê Heywanan û Cuya Koyîye ya Ewropa û MERî sey bingeyê huqûqîyî mojnayî û waşt ke tedbîrê hewceyî wa bêrê caardene.
Avûkatan waştişnameyê gerreyî de pare kerd ke pezkovîyî goreyê bawerîya Dêrsimî fîraz ê û wezîfeyê dewlete yo ke pezkovîyan bipawa. DÊRSIM
