Ji girtîgehên Tirkiyeyê hema bibêjin her roj agahiya kuştina girtiyeke tê. Ji aliyê Girtîgeha Tîpa E ya Aydinê ve hat îddîakirin ku girtiyê edlî Firat Çaglayan ê 28 salî şeva 24’ê tebaxê di tuwaleta qawîşa ku lê dima de întîxar kiriye.
Rayedarên girtîgehê ku telefonî malbata girtî kirin, îdia kirin ku Çaglayan bi benê pêlavan dawî li jiyana xwe aniye.
Cenaze ji bo otopsiyê rakirin Nexweşxaneya Lêkolînê ya Zanîngeha Aydin a Adnan Menderesê. Serdozgeriya Komarê ya Aydinê der barê kuştinê de lêpirsîn daye destpêkirin.
Hewceyê bibîrxistinê ye ku di 13’ê çileyê de girtiyê 28 salî Yilmaz Ekinci jî li Girtîgeha Aydinê hatibû kuştin. Hatibû îddîakirin ku girtî bi xwe întîxar kiriye. Lê belê di îfadeyên girtiyan de hatibû diyarkirin ku Ekîncî hatiye îşkencekirin.
