Girtî Yûsûf Bor (52) ku ji ber tansiyona bilind her du çavê wî kor bûne, nayê berdan. Malbata Bor daxwaz dike ku Yûsûf Bor bê berdan
Girtî Yûsûf Bor (52) ku li Girtîgeha Tîpa F a Wanê girtî ye, li gel ku ji ber tansiyona bilind her du çavê wî kor bûne, nayê berdan. Hevjîna Bor Behiye Bor (45) ku li girtîgehê serdana hevjînê xwe kir, da zanîn ku hevjînê wê nayê tedawîkirin û ji ber vê yekê rewşa wî ne baş dibe. Bor diyar kir ku hevjînê wê beriya 3 salan hatiye girtin û wiha got: “Şertên girtîgehê gelek xerab in. Bi awayekî rêk û pêk nayê tedawîkirin. Ji ber tansiyona bilind her du çavên wî kor bûne. Heke hevjînê min di dema xwe de bihatina tedawîkirin dê rewşa wî ne wiha bû. Ji ber ku bi rêk û pêk nayê tedawîkirin, her roja ku derbas dibe rewşa wî xerabtir dibe.”
Daxwaza tehliyeyê
Bor destnîşan kir ku hevalên wî yên koguşê piştgiriya hevjînê wê dikin û ev tişt anî ziman: “Ji xwarinê bigere heta serşûştinê alikariya wî dikin. Mirovekî ku her du çavên wî nabînin çima bernadin? Daxwaz dikim ku bê berdan. Bila berdin em ê bi awayekî rêk û pêk wî tedawî bikin. Daxwaz dikim ku hemû girtiyên xwenş bên tedawîkirin.” WAN
