Girtiyê nexweşê gurçike Alî Kurban, ku hefteyê 3 rojan diçe diyalizê, bi hinceta vîrûsa corona 45 rojin di qerantînayê de tê girtin.
Girtiyê nexweşê gurçikê Alî Kurban ê 53 salî ku li Girtîgeha Tîpa T a Hêjmar 3 a Şakranê ye, ji ber hefteyê 3 rojan diçe diyalîzê bi hinceta vîrûsa corona 45 rojin di qerantînayê de tê girtin. Malbata Kurban bertek nîşanî vê rewşê dan û diyar kirin ku tenduristiya Alî Kurban her ku diçe xerab dibe. Alî Kurban di sala 1994’an de hat girtin û şandin Girtîgeha Amedê. Hêj dema nû hat girtin nexweşê gurçikê bû. Li gorî rapora Komeleya Mafên Mirovan (İHD) jî Kurban yek ji girtiyê nexweşê giran e. Kurban 26 salin girtî ye û hita niha li gelek girtîgehan geriya ye. Di sala 2019’an de ew sewqî Girtîgeha Tîpa T a Hêjmar 3 a Şakran a Alîaga ya Îzmirê kirin. Niha Kurban bi nexweşiyên tuberküloz ulsera mahde û gurçikê ye. Niha kezeba wî ji sedî 48 û gurçika wî jî ji sedî 90 îflaz kiriye. Li Fakulteya Tipê ya Zanîngeha Mêrsînê rapora ji sedî 94 astengdar e girt. Kurban niha hefteyê 3 rojan diçe diyalîzê.
Malbat 2 sal û nîve nikare biçe ziyareta wî
Kurban û gelek nexweşên din ku neçar in tedawî bibin ji ber vîrûsa korona di qerantînayê de tên girtin. Hevjîna Kurdan Husniye Kurban a li Stenbolê dijî diyar kir ku ji ber derfetên wan ê aborî tune nikare biçe ziyareta Alî Kurban û 2.5 salin hêj neçuye ziyareta wî. Kurban, da zanîn ku çend saran daxwazname dane rayedaran ku wî sewqî Stenbolê bikin, lê daxwaza wan bê bersîv maye. Kurban, da zanîn ku ji ber şertên xerab ên girtîgehê rewşa hevjînê wê bêtir xerab dibe u xwest hevjînê wê û hemû girtiyên siyasî bên berdan.STENBOL
