Girtiyê siyasî Mehmet Gok ku li Girtîgeha Tîpa T ya Tarsûs a Mêrsînê dihat girtin krîza dil derbas kir û jiyana xwe ji dest da
Girtiyê siyasî Mehmet Gok ê 62 salî ku 24 sal in di girîgehê de bû, li Girtîgeha Tîpa T ya Tarsûs a Mêrsînê dihat girtin. Hat zanîn ku Gok ku li qawîşa C-16 dima, şevê din krîza dil derbas kir û jiyana xwe ji dest da.
Têkildarî mijarê biraziyê Gok, Veysel Gok axivî û anî ziman ku dilê mamê wî rawestiyaye û jiyana xwe ji dest daye. Cenazeyê Mehmet Gok ji bo otopsiyê rakirin Saziya Tipa Edlî ya Edeneyê. Piştî karê otopsiyê, cenazeyê Gok teslîmî malbata wî hat kirin.
Hat diyar kirin ku dê cenazeyê Gok li Goristana Asri ya Ceyhanê bê definkirin. Hêjayî bibîrxistinê ye ku Gok ji 1995’an heta niha girtî ye. MÊRSÎN
