Leşkerên dewleta tirk goristana gundê Sîsê yê navçeya Licê ya Amedê carek din rûxandin. Hat zanîn ku dema malbat bi wesîleya Cejna Remezanê xwestin biçin serdana goristanê, dîtin ku gorên zarokên wan hatine rûxandin.
Malbata da zanîn ku hemû gorên li goristanê hatine rûxandin, kêlikên goran ên bi kurdî hatine nivîsandin hemû jî hatine şikandin. Li ser vê yekê malbatan kêlikên şikestî yên goran careke din li cihên wan danîn.
Malbatan diyar kir ku nayê zanîn bê ka goristan kengî hatiye rûxandin û lê belê piştî ku li herêmê operasyona leşkerî hatiye kirin, tiştekî wiha hatiye kirin.
Hêjayî gotinê ye ku goristana behsa xeberê ya gerîlayên PKK’ê ne. Goristan di sala 2015’an de du caran ji hêla balafirên şer ên dewleta tirk ve hatibû bombebarankirin û rûxandin. Bi êrîşa dawî re bû cara sêyemîn ku goristan tê rûxandin. AMED
